Панихида
Глубиною мудрости человеколюбно вся строяй, и полезная всем подавяй, Едине Содетелю, упокой, Господи, души раб Твоих
Тропарь, глас 8:
1. Глубиною мудрости человеколюбно вся строяй,/ и полезная всем подавяй,/ Едине Содетелю, упокой, Господи, души раб Твоих:/ на Тя бо упование возложиша,/ Творца и Зиждителя и Бога нашего.
2. Тебе и стену, и пристанище имамы,/ и молитвенницу благоприятну к Богу,/ Егоже родила еси, Богородице Безневестная, верных спасение.
Тропари, глас 5:
Припев: Благословен еси, Господи,/научи мя оправданием Твоим.
3. Святых лик обрете источник жизни/ и дверь райскую, да обрящу и аз путь покаянием:/ погибшее овча аз есмь,/ воззови мя, Спасе, и спаси мя.
Припев:
4. Агнца Божия проповедавше,/ и заклани бывше якоже агнцы,/ и к жизни нестареемей, святии,/ и присносущней преставльшеся;/ Того прилежно мучиницы молите,/ долгов разрешение нам даровати.
Припев:
5. В путь узкий хождшии прискорбный,/ вси в житии крест яко ярем вземшии,/ и Мне последовавшии верою,/ приидите насладитеся,/ ихже уготовах вам почестей/ и венцов небесных
Припев:
6. Образ есмь неизреченныя Твоея славы,/ аще и язвы ношу прегрешений;/ ущедри Твое создание, Владыко,/ и очисти Твоим благоутробием,/ и вожделенное отечество подаждь ми,/ рая паки жителя мя сотворяя.
Припев:
7. Древле убо от не сущих создавый мя,/ и образом Твоим Божественным почтый,/ преступлением же заповеди/ паки мя возвративый в землю, от неяже взят бых,/ на еже по подобию возведи/ древнею добротою возобразитися.
Припев:
8. Упокой, Боже, рабы Твоя,/ и учени я в раи,/ идеже лицы святых, Господи,/ и праведницы сияют яко светила;/ усопшия рабы Твоя упокой,/ презирая их вся согрешения.
Слава Отцу и Сыну и Святому Духу:
9. Трисиятельное Единаго Божества, благочестно поем вопиюще:/ свят еси Отче Безначальный,/ Собезначальный Сыне, и Божественный Душе,/ просвети нас верою Тебе служащих,/ и вечнаго огня исхити.
И ныне и присно и во веки веков. Аминь:
10. Радуйся, Чистая, Бога плотию рождшая во спасение всех,/ Еюже род человеческий обрете спасение;/ Тобою да обрящим рай,/ Богородице Чистая Благословенная.
Аллилуиа, аллилуиа, аллилуиа, слава Тебе, Боже. (трижды).
Седален, глас 5:
11. Покой, Спасе наш,/ с праведными рабы Твоя,/ и сия всели во дворы Твоя,/ якоже есть писано;/ презирая яко Благ прегрешения их,/ вольная и невольная,/ и вся яже в ведении и не в ведении, Человеколюбче.
12. От Девы возсиявый миру, Христе Боже,/ сыны света Тою показавый, помилуй нас.
Ирмосы канона, глас 6:
Песнь 1, глас 6:
Яко по суху пешешествовав Израиль / по бездне стопами, / гонителя фараона / видя потопляема, / Богу победную песнь поим, вопияше.
Припевы к тропарям канона
Покой, Господи, души усопших раб Твоих.
И ныне, и присно, и во веки веков. Аминь.
Песнь 3.
Несть свят, / якоже Ты, Господи Боже мой, / вознесый рог верных Твоих, Блаже, / и утвердивый нас на камени / исповедания Твоего.
Припев:
Седален, глас 6:
Воистину суета всяческая / житие же сень и соние / ибо всуе мятется всяк земнородный, / якоже рече писание: / егда мир приобрящем, / тогда во гроб вселимся, / идеже вкупе царие и нищии./ Темже, Христе Боже, // преставльшиеся упокой яко Человеколюбец.
Слава Отцу и Сыну и Святому Духу, и ныне и присно и во веки веков. Аминь:
Богородичен:
Всесвятая Богородице, / во время живота моего / не остави мене,/ человеческому предстательству не ввери мя, // но Сама заступи и помилуй мя.
Песнь 4.
Христос моя сила, / Бог и Господь, честная Церковь / Боголепно поет, взывающи, / от смысла чиста о Господе празднующи.
Припев:
Песнь 5.
Божиим светом Твоим, Блаже / утренюющих Ти души / любовию озари, молюся, / Тя ведети, Слове Божий,/ истиннаго Бога,/ от мрака греховнаго взывающа.
Припев:
Песнь 6.
Житейское море, / воздвизаемое зря напастей бурею, / к тихому пристанищу Твоему притек, вопию Ти: / возведи от тли живот мой, Многомилостиве
Припев:
Кондак, глас 6:
Господи, помилуй.// Аминь. /
Со святыми упокой, Христе, души раб Твоих, / идеже несть болезнь, ни печаль, / ни воздыхание / но жизнь безконечная.
Икос, глас 8:
- Сам един еси Безсмертный, / сотворивый и создавый человека / земнии убо от земли создахомся / и в землю туюжде пойдем, / якоже повелел еси / Создавый мя и Рекий ми: / яко земля еси и в землю отыдеши./ Аможе вси человецы пойдем / надгробное рыдание творяще песнь:/ Аллилуия, Аллилуия, Аллилуия/
Песнь 7.
Росодательну убо пещь / содела Ангел / преподобным отроком,/ халдеи же опаляющее / веление Божие мучителя увеща вопити:/ Благословен еси, Боже отец наших.
Припев:
Песнь 8.
Из пламене преподобным росу источил еси / и праведнаго жертву водою попалилтеси: / вся бо твориши, Христе, токмо еже хотети./ Тя превозносим во вся веки.
Припев:
Песнь 9
Бога / человеком невозможно видети, / на Негоже не смеют чини Ангельстии взирати./ Тобою же, Всечистая, явися человеком / Слово воплощенно, Егоже величающе,/ с небесными вои / Тя ублажаем
Припев:
Глас 8:
Плачу и рыдаю,/ егда помышляю смерть, / и вижду во гробех лежащую / по образу Божию созданную нашу красоту, / безобразну , безславну, / не имущую вида. / О чудесе! / Что сие еже о нас бысть таинство? / како предахомся тлению? / како сопрягохомся смерти? / воистину Бога повелением, / якоже писано есть,/ подающего преставльшимся упокоение.
Кондак глас 8:
14. Со святыми упокой,/ Христе, души раб Твоих,/ идеже несть болезнь, ни печаль,/ ни воздыхание,/ но жизнь безконечная.
Икос:
Сам Един еси Безсмертный,/ сотворивый и создавый человека:/ земнии убо от земли создахомся,/ и в землю туюжде пойдем,/ якоже повелел еси,/ создавый мя и рекий ми:/ яко земля еси, и в землю отыдеши:/ аможе вси человецы пойдем,/ надгробное рыдание творяще песнь:/ аллилуиа, аллилуиа, аллилуиа.
Со духи праведных скончавшихся/ души раб Твоих, Спасе, упокой,/ сохраняя их во блаженней жизни, яже у Тебе, Человеколюбче.
В покоищи Твоем, Господи,/ идеже вси святии Твои упокоеваются,/ упокой и души раб Твоих,/ яко Един еси Человеколюбец.
Слава Отцу и Сыну и Святому Духу:
Ты еси Бог, сошедый во ад и узы окованных разрешивый. Сам и души раб Твоих упокой.
И ныне и присно и во веки веков. Аминь:
Едина Чистая и Непорочная Дево, Бога без семене рождшая, моли спастися душам их.